txakurkros - txakurkros.com

igande hontan Oiartzunera!

April 9th, 2013 | Posted by txakurkros in Uncategorized - (0 Comments)

ERRENTERIAKO 6. TXAKURKROSA

February 27th, 2013 | Posted by txakurkros in Uncategorized - (0 Comments)

28 kanalak egindako erreportaia

February 26th, 2013 | Posted by txakurkros in Uncategorized - (0 Comments)

70 parte hartzaile izan dira Tolosako II. Txakurkrosean

February 26th, 2013 | Posted by txakurkros in Uncategorized - (0 Comments)

by Tolosaldeko Eta Leitzaldeko Hitza on 2013/02/26 in

Elurrak ez zuen atzera bota korrikan egiteko gogoa, eta 70 parte hartzaile aritu ziren Tolosako II. Txakurkrosean herenegun. Gizonezkoetan aurrenak Pedro Etxeberria (Yukon txakurrarekin), Jose Felipe Larrazabal (Sator) eta Jon Gonzalez (Konbi) izan dira. Emakumezkoetan Leire Fernandez (Harpo), Naiara Casi (Lur) eta Aida Maria Males izan dira. Antolakuntzak azaldu duenez, «gustura» daude parte hartzaile kopuruarekin. «Gainera, jendea gustura zegoen elurretan korrika egiteko aukera izan zutelako». Bestalde, parte hartzaile gehienek amaitu zuten proba.

Txakurkros ligaren probaz gain, herri mailako proba ere egin dute, eta bertan hamasei parte hartzaile izan dira. Hurrengo urtean horietako batzuk ligako proban parte hartzea espero dute antolatzaileek. Tolosakoa ligaren laugarren proba izan da. Orain beste bi falta zaizkie korrikalariei, Errenteriakoa eta Oiartzungoa. Antolakuntzatik azaldu dutenez, euren erronka gazte gehiagok parte hartzea da.

Sailkapenak

Gizonezko seniorrak
1. Pedro Etxeberria (Yukon)
2. Jon Gonzalez (Konbi)
3. Eneko Agirre (Orhi)
Emakumezko seniorrak
1. Naiara Casi (Lur)
2. Aida Maria Males
3. Leire Telletxea (Negu)

Gizonezko juniorrak
1. Jon Perez
2. Aitor Agirre (Kai)

Emakumezko juniorrak
1. Leire Fernandez (Harpo)

Gizonezko beteranoak
1. Jose Felipe Larrazabal (Sator)
2. Mikel Fernandez (Bolt)
3. Iñaki Lopetegi (Negu)

Emakumezko beteranoak
1. Anabel Salinas (Sei)

Gizonezko beterano-masterrak
1. Fernando Lobos (Lur)
2. Patxi Azpiazu (Lai)
3. Juanjo Oloriz (Koska)

TOLOSAKO TXAKURKROSA ELURRAREKIN EDO GABE, ZUEN ZAI!!!

February 20th, 2013 | Posted by txakurkros in Uncategorized - (0 Comments)

IZEN EMATEKO KLIKATU HEMEN

EITB-n ateratako txakurkrosaren inguruko erreportaia

February 20th, 2013 | Posted by txakurkros in Uncategorized - (0 Comments)

Pedro Etxeberriak eta Leire Fernandezek irabazi dute Zumaiako II. Txakur Krosa

February 5th, 2013 | Posted by txakurkros in Uncategorized - (0 Comments)

BALEIKE 2013-02-03

Pedro eta Mikel Etxeberria anaiak, Zura eta Zezen txakurrekin, igandeko txakur krosean. Argazkia: Gorka Zabaleta

Pedro eta Mikel Etxeberria anaien arteko lehia estua izan da Zumaiako II. Txakur Krosean. Mikel anaia gazteak ederki estutu du beteranoa, baina helmugan Pedro eta Zura izan dira aurrenak, metro eskaseko aldearekin. Azpimarratzekoa da Leire Fernandez juniorrak erakutsi duen maila. Errenteriako neska, 15 urterekin, hirugarren postuan sailkatu da.

“Banekien nik kontrarioa etxean neukala…”. Pedro anaia beteranoak irabazi du aurten ere txapela, baina Mikelek ederki estututa. Lasterketa hasi bezain pronto biak jarri dira lasterketa buruan. “Ez da estrategia izan. Erritmo biziena geuk jarri dugu eta aurrera egin dugu”. Ezkaraztoko gainari eman beharreko lehen itzulian Pedro zen aurretik; bigarrenean Mikelek hartu ditu metro batzuk. “Bigarren itzulian metro batzuk lortu ditut eta jaitsierara alde horrekin iritsi naiz, baina erori egin naiz”, azaldu du Mikelek. Lasterketa buruan zihoan motorra San Lorentetik behera harrapatu egin dute Mikelek eta Zezen txakurrak. Motorzalea ohartu denean, azeleratu eta txakurra atzetik abiatu da ziztu bizian. “Ezin izan dut kontrolatu eta erori egin naiz”. Baina ez du denbora gehiegi galdu. “Erori bai, baina segituan jaiki da!” zehaztu du Pedrok. Alaiko azken txanpara parean iritsi dira, baina Pedroren txakurra, Zura, metro bat aurretik zen. Hala sartu dira helmugan. Leire Fernandez gaztea izan da hirugarren.

Etxeberria anaiez gain, beste lau zumaiar ere izan dira lasterketan: Txetxu Tamayo (9), Ion Sasiain (15.), Xabier Agirre (19.) eta Egoitz Lazkano (35.).

II. Txakur Kroseko argazki bilduma

JAIZKIBEL ETA ZUMAIA, ZEIN BAINO ZEIN EDERRAGO

February 4th, 2013 | Posted by txakurkros in Uncategorized - (0 Comments)

Bi lasterketak, bata bestearen atzetik joan zaizkigu. Bietan ere, zerura begira eman ditugu lasterketa jokatu aurreko egunak. Lehenengoan, euria goitik behera eta hotza. Bigarrenean berriz, hego haizea eta lasterketa bertan behera geratzeko moduko beroa. Azkenean egoerak hobetu eta korrika egiteko prest bi ibilbideak.

Jaizkibelen partaide ugari, espainiako kopako lasterketa puntuagarria zen eta nabari zen bai izen emate orrian. Estatuko bazter guztietatik etorri ziren korrika egiteko prest. Emaitzetan ere nabari zen beraien presentzia baina baita gurea ere. Etxeberria anaik, Larrazabal jauna, Lujanbio eta Diez anderea, Naiara Casi, Valdizan eta Salina. Nola ez, gure gaztetxoak ere ondo moldatu ziren, Perez eta Agirre mutiletan eta Leire Fernandez .

Jaizkibelko sailkapena

Zumaian ere parte hartze zabala izan zen. Baina parte hartzailerik ederrena eguzkia izan zen. Lokatzari tokia kendu eta gozatzeko moduko baldintzak izan ziren atzo. Garaileen artean esan behar da Leire Fernandez izugarri ibili zela, sailkapen nagusian hirugarren postua lortuz. Garaileak Etxeberria anaiak izan ziren.